Диего Армандо Марадонагийн үлдээсэн өв хөрөнгийн талаар мөддөө ярьж дуусахгүй бололтой.

Домогт хөлбөмбөгчийн мэдэлд байсан тансаг зэрэглэлийн төмөр хүлгийн нэг болох Porsche 911 дуудлага худалдаагаар орох гэж байна. 1992 онд үйлдвэрлэсэн, тухайн үедээ 150-200 мянган еврогоор үнэлэгдэж байсан энэ автомашиныг Марадона Испанийн Севилья багт тоглож байхдаа хэрэглэдэг байв.

Тэрээр энэ Porsche 911 Cabriolet хүлгээрээ хурд хэтрүүлсэн хэргээр саатуулагдаж байсан удаатай.

Британийн Bonhams компани гуравдугаар сарын 3-10-нд дуудлага худалдааг зохион байгуулна.

Нэрт хөлбөмбөгчийн ховор эд тансаг зэрэглэлийн автомашин цуглуулагч, хөлбөмбөгийн хорхойтнуудын сонирхлыг ихэд татаж байна.

Марадонагийн өв хөрөнгийг захиран зарцуулах эрхийг эхнэр Клаудиа болон охин Дальма, Жианина нар эзэмшдэг.

Уншигч та ч энэхүү дуудлага худалдаанд https://www.bonhams.com вэбсайт болон Bonhams APP ашиглан оролцох боломжтой.

Бэлтгэсэн: Б.Нямдорж