Италийн шигшээ багийг Роберто Манчини удирдахаар болсонг хөлбөмбөг сонирхогчид санаж буй биз ээ. Тэгвэл түүний туслахаар нэгэн үед шигшээ багийн гол тоглогчдын нэг байсан Андреа Пирло ажиллахаар болжээ. Өдгөө 39 настай А.Пирло өнгөрсөн онд АНУ-ын “Нью Йорк Сити” клубт хүчин зүтгээд албан ёсоор зодог тайлсан.

Тэрбээр шигшээ багаа 2006 онд ДАШТ-д түрүүлэхэд гол тоглогчдын нэг байсан бол замналынхаа турш Италийн “АС Милан” болон “Ювентус” клубт зүтгэж, Сери А-д зургаан удаа түрүүлсэн төдийгүй Аваргуудын лигт хоёр удаа, Италийн цомд мөн хоёр удаа түрүүлж байв.

“Ansa” мэдээллийн агентын мэдээлснээр А.Пирло “Sky” телевизд аваргуудын лигийн тоймч, аналистаар ажилладаг. Хэдийгээр шинэ ажилд томилогдсон ч хуучин ажлаа үргэлжлүүлэх боломжтой гэнэ.