“Adidas” компани 2018-19 оны улиралд Аваргуудын лигт ашиглах шинэ бөмбөгөө танилцууллаа. Уг бөмбөгийг энэ сараас олон нийтэд худалдаалж эхлэхээр төлөвлөж байгаа юм.

Дээрх бөмбөг бол Аваргуудын лигийн хэсгийн шатанд ашиглах албан ёсны бөмбөг аж. Шинээр танилцуулсан бөмбөгийг 150 еврогоор худалдах аж.

Аваргуудын лигийн шигшээ тоглолтод ашиглах бөмбөгийг мөн танилцуулав. Ирэх улирлын шигшээ тоглолт Испанийн Мадрид хотод болно. Тиймээс өнгийг нь Испанийн төрийн далбаатай ижил сонгожээ. Уг хоёр төрлийн бөмбөгний материал нь өнгөрсөн ДАШТ-ий үеэр ашигласан бөмбөгтэй төстэй аж.

Шинээр гаргасан уг бөмбөг мөн л 150 еврогоор зарагдах бөгөөд 2019 оны хоёрдугаар сараас худалдаанд гарч эхэлнэ.