Европын хөлбөмбөгийн холбооноос VAR буюу видео туслахыг энэ жилийн Аваргуудын лигийн шөвгийн 16-гаас ашиглахаар боллоо. Энэ талаар холбоо өөрсдийн цахим хуудсаар дамжуулан нийтэд зарласан юм.

Тэд өмнө нь VAR-ыг ирэх жилээс ашиглахаар төлөвлөсөн ч хийсэн туршилт, сургалтууд нь амжилттай болсон тул ирэх оны хоёрдугаар сараас эхлэх хасагдах шатны 16-гаас ашиглах нь тодорхой болжээ.

Энэ талаар Европын хөлбөмбөгийн холбооны тэргүүн Александер Кеферин “Төлөвлөсөн хугацаанаасаа эрт ашиглах боломж байгаа тул ийм шийдвэр гаргалаа” гэж ярьсан аж. VAR буюу видео туслахыг 2019 оны Европа лигийн финал, Үндэстнүүдийн лигийн шигшээ тоглолт, Европын 21 хүртэлх насны АШТ-ий үеэр ашиглахаар төлөвлөж байгаа юм.

Хөлбөмбөг сонирхогчдын дунд хэдийнэ танил болоод буй VAR буюу видео туслахыг ирэх жилээс Аваргуудын лигт ашиглахаар болжээ.

Өнгөрсөн ДАШТ-д ашигласан шинэ технологийг 2019 оны Супер цом, 2020 оны Европын АШТ, 2020-21 оны Европа лиг болон 2021 оноос Үндэстний лигийн шигшээд ашиглахаар төлөвлөсөн юм.

UEFA буюу Европын хөлбөмбөгийн холбооны тэргүүн Александер Чефериний хэлснээр бол энэ системийг ашиглах цаг нь болсон гэж үзсэн бололтой.

VAR буюу видео тусламжийн ачаар шүүгчид гоол орсон эсэх, торгуулийн цохилт өгөх эсэх, улаан хуудасны алдаа мөн эсэхийг нягтлах үүрэгтэй. Хамгийн анх уг системийг өнгөрсөн жил Австралийн хөлбөмбөгийн дээд лиг ашиглаж эхэлсэн бөгөөд удалгүй АНУ-ын MLS-т турших болсон юм. Энэ жилээс Английн Премьер лигт ашиглаж байгаа билээ.