Tag: FIFA

Европын Сүпер Лиг болох уу

Европ тивийн дөрвөн улсын шилдэг 12 клуб нэгдэж Европын Сүпер Лиг хийхээр болсноо зарлалаа.

Тодруулбал, Английн зургаа, Италийн гурав, Испанийн гурван баг шинэ тэмцээнийг дэмжихээ илэрхийлжээ. цар тахлын улмаас их хэмжээний алдагдалд ороод байгаа тул Аваргуудын лигээс тусдаа тэмцээн зохион байгуулахаар болсноо зарлав. Тус лигийн ерөнхийлөгчөөр “Реал Мадрид” клубын ерөнхийлөгч Флорентино Перез ажиллах ба тэрбээр энэ талаар “Бид бүхий л чадлаараа хичээж, дэлхийн хөлбөмбөгт тусалж, зохих байр сууринд хүргэх болно” гэж мэдэгджээ.

Тэмцээний санхүүжилтыг “JPMorgan” хөрөнгө оруулалтын банк хариуцаж зургаан тэрбум орчим ам.долларыг гаргах бөгөөд лигт оролцох урилгыг хүлээн авсан баг 425 сая ам.долларыг авах гэнэ. (Сонирхолтой нь, энэ мөнгөн дүн нь шилдэг багуудын 2020 оны бүтэн жилийн санхүүгийн тайлантай харьцуулж харахад бүтэн жилийн орлогоо олох боломжтой харагдана. УНШИХ)

Тус лиг нь 20 багаас бүрдэх ба 15 клуб тогтмол оролцох бол үлдсэн таван эрхийн төлөө бусад багууд өрсөлдөнө. Мөн эдгээр клубууд нь хоёр хэсэгт хуваагдаж тоглох төдийгүй амжилтаараа хэсгээ тэргүүлсэн найман клуб хасагдах шатанд өрсөлдөх юм.

Сүпер лигийг 2023/2024 оны улирлаас эхлэх боломжтой хэмээн үзэж байгаа бөгөөд одоогоор үндсэн 12 клуб тодроод байна. Үүнд:

  • Англи- “Манчестер Юнайтед”, “Манчестер Сити”, “Челси”,  “Арсенал”, “Тоттенхэм”, “Ливерпүүл”
  • Испани- “Атлетико Мадрид”, “Барселона”, “Реал Мадрид”
  • Итали- “АС Милан”, “Интер Милан”, “Ювентус”

Гэхдээ уг тэмцээн зохиогдох эсэх нь эргэлзээтэй. Учир нь Олон улсын хөлбөмбөгийн холбоо (FIFA) болон Европын хөлбөмбөгийн холбоо (UEFA) энэхүү тэмцээнийг эсэргүүцэж байна. Хэрвээ багууд шинэ тэмцээнд оролцвол дотоодын лиг болон олон улсын тэмцээнээс хасах, тоглогчдыг шигшээ багт дуудахгүй гэх нэн хатуу шаардлага тавив.

Мөн шилдэг клубуудээ алдах аюулд ороод байгаа Англи, Испани, Италийн лигийн холбоо мөн адил энэ тэмцээний эсрэг байгаа аж. Эцэст нь холбоод ялах уу? клубууд ялах уу? гэдгийг харах л үлдлээ.

Харин таны хувьд энэ шинэ тэмцээнийг яаж хүлээж авах вэ?

Ирэх зун тэсрэх залуус

Цар тахалтай холбоотойгоор нэг жил хойшилсон XVI удаагийн хөлбөмбөгийн ЕАШТ хаяанд ирлээ. Өмнөх тэмцээнээс ялгаатай нь нэг улсад бус буурал тивийн 12 оронд тоглолтууд болох юм. Нэр хүндээрээ ДАШТ-ий дараа ордог тус тэмцээнд энэ жил шилдэг 24 баг зургаан хэсэгт хуваагдаж өрсөлдөнө. Энэхүү тэмцээнд олон залуучууд өөрсдийгөө хэн бэ гэдгийг дэлхий дахинд харуулахыг хүсч буй.

Лерое Сане (25 нас, Герман)

Германы шигшээ багийн ирээдүй гэгдэх Л.Сане дөрвөн жилийн өмнө ЕАШТ-ий бүрэлдэхүүнд багтсан ч залуу тоглогчийг талбайд нэг их ашиглаагүй. Үүний дараа 2018 оны ДАШТ-ий урьдчилсан бүрэлдэхүүнд дуудагдсан боловч үндсэн багтаа багтаж чадалгүй гэрийн зүг буцаж байлаа. Харин энэ удаад 25 настай герман залууд боломж олгох болов уу.

 ТоглолтГоолДамжуулалтМинутЗах зээлийн үнэ
Клуб35811210470 сая евро
Шигшээ 28641738 
Энэ улирлын үзүүлэлт

Ферран Торрес (21 нас, Испани)

Энэ улирлаас Английн “Манчестер Сити”-д Пеп Гуардиалогийн удирдлага дор тоглох болсон Ф.Торрес ур чадвар нь өдрөөс өдөрт өсөж байгаа юм. Шигшээ багийн дасгалжуулагч Луис Энрикэгийн баруун жигүүрийн эхний сонголт болсон тэрбээр урьдчилсан шатанд сайн тоглож Германы эсрэг хет трик хийсэн юм.

 ТоглолтГоолДамжуулалтМинутЗах зээлийн үнэ
Клуб2983167550 сая евро
Шигшээ1060670 
Энэ улирлын үзүүлэлт

Федерико Киеса (23 нас, Итали)

Энэ улирлын нээлт болсон залуу бол Федерико Киеса. Түүний хувьд “Ювентус” клубын гол тоглогчдын нэг болж Андре Пирлогоос итгэл хүлээж чадсан билээ. Шигшээ багтаа ч клубын сайн формоо үзүүлж чадах эсэхэд эргэлзэх хэрэггүй болов уу.

 ТоглолтГоолДамжуулалтМинутЗах зээлийн үнэ
Клуб381310259360 сая евро
Шигшээ24151366 
Энэ улирлын үзүүлэлт

Фил Фоден (20 нас,Англи)

“Манчестер Сити” клуб энэ улиралд үнэхээр супер тоглолт үзүүлж буй. Энэ амжилтын гол түлхүүр нь Фил Фоден юм. Өдгөө 20 настай англи залуугийн зах зээлийн үнэлгээ нь 70 сая евро болж өссөн ба мэргэжилтнүүд түүнийг хөлбөмбөгийн дараагийн арван жилийг тодорхойлох залуу хэмээн үнэлж байна.

 ТоглолтГоолДамжуулалтМинутЗах зээлийн үнэ
Клуб39129261570 сая евро
Шигшээ622398 
Энэ улирлын үзүүлэлт

Деян Кулушевски (20 нас,Швед)

Андре Пирлогийн удирдлага дор энэ улиралд “Ювентус”-ыг тааруухан тоглож байгаа ч нэг бус залуу авьяастныг тодруулсан. Тэдний нэг бол Деян Кулушевски. “Хөгшин хадагтай” нарын ирээдүй гэгдэх тэрбээр довтолгооны олон байрлалд тоглох чадвартай ба хурд, биеийн хүч нь давуу тал болдог аж.

 ТоглолтГоолДамжуулалтМинутЗах зээлийн үнэ
Клуб3754221445 сая евро
Шигшээ1110616 
Энэ улирлын үзүүлэлт

Озан Кабак (21 нас, Турк)

Өвлийн наймааны цонхоор “Ливерпуль”-д ирсэн 21 настай турк хамгаалагч яах аргагүй энэ жагсаалтад багтах тоглогчийн нэг. Юрген Клоппын удирдлага дор очиж, тус клубын гарааны тоглогчид бэртэлтэй хугацаанд өөрийгөө хэн бэ гэдгийг харуулсан түүнийг тивийнхээ аваргаар гялалзах оддын нэгээр нэрлэж байна.

 ТоглолтГоолДамжуулалтМинутЗах зээлийн үнэ
Клуб2300204025 сая евро
Шигшээ 1000675 
Энэ улирлын үзүүлэлт

Доминик Собослай (20 нас, Унгар)

Унгарын шигшээ багийн бүх цаг үеийн хамгийн үнэтэй хөлбөмбөгчин болсон түүний зах зээлийн үнэ 25 сая евро. Гэхдээ энэ үнэ тивийн аваргын дараа өсөх боломжтой. Бэртэл гэмтлийн улмаас олон тоглолтод оролцож чадаагүй ч тоглох бүртээ эсрэг багтаа аюул тарьдаг нэгэн.

 ТоглолтГоолДамжуулалтМинутЗах зээлийн үнэ
Клуб22911165725 сая евро
Шигшээ1230905 
Энэ улирлын үзүүлэлт

Александер Исак (21 нас, Швед)

Испанийн “Реал Сосьедад” клубт данстай А.Исакийг Шведийн шигшээ багийн гарааны довтлогчоор тоглоно гэж мэргэжилтнүүд үзэж байна. Учир нь Маркус Берг болон Златан Ибрахимович нарын нас ахиж бүтэн 90 минутын турш талбайд гарах нь эргэлзээтэй. Исак ч энэ боломжийг ашиглаж чадна гэдгээ урьдчилсан шат болон клубдээ хийсэн сайн тоглолтоор харуулж буй.

 ТоглолтГоолДамжуулалтМинутЗах зээлийн үнэ
Клуб34122 223530 сая евро
Шигшээ2060937 
Энэ улирлын үзүүлэлт

Ансу Фати (18 нас, Испани)

Испанийн алдарт “Барселона” клубын “Ла Масиа” академиас гарч ирсэн залуу авьяастаны Лионел Мессигийн дараа багийн лидер тоглогч болно гэж итгэл хүлээлгэж буй. Харамсалтай нь, гэмтлийн улмаас санаанд хүртлээ тоглож чадахгүй яваа. Гэхдээ Давид Вилла, Фернандо Торрес нараас хойш довтлогчийн асуудалтай байгаа Испанийн шигшээ багт тэр тун хэрэгтэй нэгэн юм.

 ТоглолтГоолДамжуулалтМинутЗах зээлийн үнэ
Клуб105459680 сая евро
Шигшээ411249 
Энэ улирлын үзүүлэлт

Деклан Райс (22 нас, Англи)

Английн шигшээд Стивен Жеррард, Фрэнк Лампард нараас хойш дунд шугамд онцгой авьяастан тодроогүй удсан. Олон том багийн хараанд өртөөд буй Д.Райсыг ирэх Европийн аваргаар хэрхэн тоглох бол гэсэн хүлээлт спорт сонирхогчдын дунд өндөр байна. Ямартай ч Английн шигшээд дараагийн 10 жилд дундын шугам дээр төлөөлөх хамгийн боломжтой залуу гэвэл түүнийг хэлнэ.

 ТоглолтГоолДамжуулалтМинутЗах зээлийн үнэ
Клуб3211291060 сая евро
Шигшээ 15111286 
Энэ улирлын үзүүлэлт

Мэйсон Маунт (22 нас, Англи)

Өнгөрсөн улиралд өөрийгөө таниулж чадсан Мэйсон Маунт шигшээ багтаа дарийн утаа үнэрлэх юм. Фрэнк Лампардын итгэлийг алдаагүй тэрбээр Гарет Соутгэйтийн удирдлага дор хэрхэн тоглох нь олны анхаарлыг татаж байна. Залуухан бүрэлдэхүүнтэй Английн шигшээгийн бас нэгэн нууц хөзөр нь тэр байх болно.

 ТоглолтГоолДамжуулалтМинутЗах зээлийн үнэ
Энэ улирал клубын түвшинд4076304160 сая евро
Шигшээ багийн төлөө1642863 
Энэ улирлын үзүүлэлт

Б.Цогтбаяр

Пеп Гуардиола: Mагадгүй тэр Хааландын фен байх

Өнгөрсөн шөнө Этихад цэнгэлдэхэд “Mанчестер Сити” болон “Боррусиа Дортмунд”-ын ширүүхэн тулаан өрнөлөө. 2:1-ээр талбайн эзэд давуутай дууссан уг тоглолтын дараа талбайн туслах шүүгч “Хар шарууд”-ын залуу од Эрлинг Хааландаас гарын үсгээ өгөхийг хүссэн байна.

Энэ талаар сэтгүүлчид “Mанчестер Сити”-гийн дасгалжуулагч Пеп Гуардиолагаас тодруулахад “Mагадгүй тэр Хааландын дэмжигч байж болох юм. Тэр өөрийн хүүдээ эсвэл охиндоо ч өгөхийн тулд авсан ч байж магадгүй. Өмнө нь шүүгч ямар нэгэн тоглогчоос гарын үсэг авахыг би харж байгаагүй ч хамгийн гол нь тэр талбай дээр ажлаа сайн хийсэн.” гэж ярьжээ.

https://twitter.com/RobHarris/status/1379549807916748802

Английн Премьер лигт Хотынхон 74 оноогоор тэргүүлж буй Гуардиолагийн шавь нарт дөрвөн цом авч, түүхэн амжилт тогтоох боломж байгаа ч Аваргуудын лигт түрүүлэх хэцүү даалгавар юм.

Гуардиола Барселонагийн хамтаар энэ тэмцээнд хоёр удаа түрүүлсэн ч Ситигийн хамтаар шөвгийн наймын шатнаас цааш шалгарч чадаагүй билээ.

“Боруссиа Дортмунд” Санчо дээр санал сонсоно

“Боруссиа Дортмунд” клубын гүйцэтгэх захирал Ханс Йохан Ватцке багийн хоёр гол тоглогчоо хамтад нь авч үлдэхэд төвөгтэй байгаа талаар хэвлэлд ярьжээ.

“Боруссиа Дортмунд” ирэх улиралд норвеги довтлогч Эрлинг Хааландийг авч үлдэх төлөвлөгөөтэй байгаа ч Жейдон Санчогийн төлөө онцгой санал сонсох болно Ватцке онцолсон юм.

Энэ улиралд “Вестфаленстадион” цэнгэлдэхэд гайхалтай тоглолт үзүүлж байгаа Э.Хааландыг Европын олон шилдэг клуб сонирхож байна.

Ватцке “Манай клуб норвеги хүүг зарах талаар огт бодож үзээгүй, харин Санчо дээр санал сонсохоос татгалзахгүй” гэж ярилаа.

Тодруулбал, Английн “Манчестер Сити”, “Манчестер Юнайтед”, “Челси”, “Ливерпүүл” клуб Эрлингийг сонирхож байгаагаа илэрхийлсэн. Түүнчлэн Францын “ПСЖ”, Италийн “Ювентус” зэрэг томчууд 20 настай залуу одыг ирэх зун багтаа авахаар өрсөлдөж байна.

Хөлбөмбөг: Оны шилдгүүд тодорлоо

Олон улсын хөлбөмбөгийн холбоо (FIFA) оны шилдгүүдээ зарлалаа. Оны шилдэг хөлбөмбөгчнөөр Германы “Бавари Мюнхен” багийн польш довтлогч Роберт Левандовски тодров.

Энэ жил 32 настай Р.Левандовски өнгөрсөн улиралд үнэхээр онцгой тоглолт үзүүлсэн. Тэрбээр 47 тоглолтод оролцохдоо 55 гоол оруулж, багаа гурван цом авахад чухал үүрэг гүйцэтгэсэн билээ.

Шилдэг эмэгтэй тоглогчоор Английн “Манчестер Сити” клубын хамгаалагч Люси Бронз тодорсон юм.

FIFA -гийн нэр хүндтэй шагналыг шигшээ багийн ахлагч, дасгалжуулагч, олон нийтийн санал асуулга, хөлбөмбөгөөр дагнаж бичдэг спортын сэтгүүлчдийн саналаар тодруулдаг уламжлалтай.

Шилдэг гоол – Сон Хын Мин

Шагнал:

  • Шилдэг эрэгтэй тоглогч: Роберт Левандовски
  • Шилдэг эмэгтэй тоглогч: Люси Бронз
  • Шилдэг эрэгтэй хаалгач: Мануэль Нойер
  • Шилдэг эмэгтэй хаалгач: Сара Боухадди
  • Шилдэг эрэгтэй дасгалжуулагч: Юрген Клопп
  • Шилдэг эмэгтэй дасгалжуулагч: Сарина Виегмэн
  • Пушкашийн нэрэмжит шагнал: Сон Хын Мин

Бэлгэдлийн XI

Эрэгтэй баг:

Хаалгач: Алиссон (Ливерпуль)

Хамгаалагч: Трент Александер-Арнольд (Ливерпуль), Виржил ван Дейк (Ливерпуль), Серхио Рамос (Реал Мадрид), Алфонсо Давиес (Бавари Мюнхен)

Хагас хамгаалагч: Жошуа Киммич (Бавари Мюнхен), Кевин де Бройн (Манчестер Сити), Тиаго (Ливерпуль)

Довтлогч: Лионель Месси (Барселона), Роберт Левандовски (Бавари Мюнхен), Криштиану Роналду (Ювентус)

Дуулиан: Аргентин улс гурав хоногийн гашуудал зарлав

ХХ зууны шилдэг хөлбөмбөгчин Диего Марадона 60 насандаа таалал төгслөө. Италийн хэвлэлд бичсэнээр түүнийг Буэнос-Айрос дахь гэртээ зүрхний шигдээсээр өөд болсныг зарласан юм.

Талийгаач өнгөрсөн аравдугаар сарын 30-нд 60 насныхаа төрсөн өдрийг тэмдэглээд маргааш нь бие нь муудаж эмнэлэгт хүргэгдсэн билээ. Улмаар тархинд нь цус хурсан оноштойгоор хагалгаанд орсон юм.

Хагалгаа амжилттай болж, эмнэлгээс Буэнос Айрос дахь гэртээ буцсан нэрт хөлбөмбөгчин эр хоёр долоо хоногийн дараа гэртээ зүрхний шигдээсээр өөд боллоо.

Нэрт хөлбөмбөгчнөө бурхны оронд одсонд Аргентин улсын төрийн тэргүүн Алберто Фернандес улс орон даяар гурав хоногийн гашуудал зарлаж буйг мэдэгдэв.

Уншигч таньтай хамт Диего Марадонагийн таван түүхэн мөчийг хамтдаа дурсая.

Анхны тоглолт

“Аргентинос Хуниорс” багийн ерөнхий менежер Хуан Карлос Монтес 1976 оны аравдугаар сарын 20-нд “Таллерес де Кордоба” багийн эсрэг тоглолтод залуу авьяастан, дөнгөж 15 настай байсан Диего Марадонаг талбайд гаргасан юм. Талбайд гарсан анхны тоглолтод бөмбөгөнд хүрсэн хоёр дахь оролдлогоороо Д.Марадона эсрэг багийн хамгаалагч Хуан Доменго Кабрераг чадварлаг хуурсан нь өдгөө үлгэр домог мэт яригддаг. Хожим их түүхийн гэрч болсон энэ тоглолт телевизээр гараагүй бөгөөд гэрэл зурагчин Хумберто Эсперанзагийн авсан зургийг “Эль Графико” сэтгүүл 2001 онд олонд дэлгэж байв.

Шийтгэл

1994 оны ДАШТ бол Д.Марадонагийн амьдралд хар толбо үлдсэн тэмцээн билээ. Энэ тэмцээний үеэр допингийн асуудалд холбогдсон аргентин эр хөөгдөж нутаг буцсан юм. Олон улсын хөлбөмбөгийн холбооноос Диегог нэг жилийн хугацаанд тэмцээнд оролцохыг хориглосон түүхтэй.

Залуучуудын ДАШТ

Аргентинийн шигшээ багийн ахлах дасгалжуулагч асан Цесарь Луис Менотти 1978 оны насанд хүрэгчдийн ДАШТ-ий шигшээд тухайн үед 17 настай байсан довтлогч Диего Марадонаг дуудаагүй юм. Харин дараа жил нь Японд болсон 20 хүртэлх насны залуучуудын ДАШТ-д үе тэнгийнхээ залуусаас онцгой чадвараараа эрхгүй ялгарч, дэлхий даяар нэрээ танилцуулсан билээ. Энэ тэмцээнд аргентинчууд анх удаа түрүүлж, Д.Марадона тэмцээний шилдэг тоглогчоор тодорчээ.

Итали

Испанийн “Барселона” клубэд төдий л амжилт гаргаж чадаагүй Д.Марадона 1984 онд Италийн “Наполи”-д ирэв. Энд тэр өмнө нь тоймтой амжилт үзүүлж байгаагүй даруухан багийн ахлагчаар талбайд гарч, 7 жил тоглохдоо лигийн аваргаар хоёр удаа тодорсон юм.

ХХ зууны шилдэг гоол

https://twitter.com/i/status/1331639508375396357

1986 оны ДАШТ-д Английн эсрэг оруулсан хоёр гоол нь түүхэнд нэрээ үлдээсэн. Нэг нь алдарт “Бурханы гар”. Харин бичлэг дээрх гоолыг өнгөрсөн зууны шилдэг гоол хэмээн мэргэжилтнүүд үнэлдэг билээ.

Жианкарло Инфантиногийн шинжилгээний хариу эерэг гарчээ

Олон улсын хөлбөмбөгийн холбооны Ерөнхийлөгч Жианни Инфантиногийн КОВИД-19 шинжилгээний хариу эерэг гарлаа.

Олон улсын хөлбөмбөгийн холбооны тэргүүн Ж.Инфантиногийн шинжилгээний хариу тааруу гарсныг FIFA-гаас албан ёсоор баталсан юм. Бага зэрэг халуурч, бие нь тавгүйтсэн Жианни 10 хоног бусдаас тусгаарлагдана гэж албаны хүн мэдээлжээ.

Өдгөө 50 настай Ж.Инфантинотой ойрын хэд хоногт уулзсан бүх хүмүүсийг давхар шинжилгээнд оруулсан байна.

КОВИД-19 цар тахлын улмаас Ж.Инфантино бусад нутгаар зорчих нь эрс багассан ч өнгөрсөн сард АНУ-ын нийслэлд зочилж, цагаан ордоноор ороод гарсан билээ.

Европын орнуудаар цар тахлын цар хүрээ багассан шинжгүй байгаа. Швейцарьт гэхэд нийт 127 мянган хүн корона туссан бөгөөд өнгөрсөн баасан гаригаас хойш 23 мянган тохиолдол бүртгэгдсэн аж.

МХХ: Цахим спортын тэмцээн болно

Монголын спортын салбарт шинэ тэмцээний форматыг нэвтрүүлэх, залуучуудын спортын оролцоог нэмэгдүүлэх зорилгоор Монголын Хөлбөмбөгийн Холбоо, Монголын Электрон Спортын Холбоотой хамтран ажиллах санамж бичиг байгууллаа. Хамтын ажиллагааны санамж бичиг байгуулах ёслолын үйл ажиллагаанд МХХ-ны Ерөнхийлөгч А.Ганбаатар, МЭСХ-ны Ерөнхийлөгч Г.Эрдэнэчулуун нар оролцов.

“Монголын Электрон Спортын Холбоо” болон “Монголын Хөлбөмбөгийн Холбоо” хамтран өөрсдийн спортын онцлог, давуу тал зэргийг хоёр талаас уялдуулан Монголын спортын салбарт шинэ тэмцээний формат нэвтрүүлэх, дижитал дээр суурилсан арга барилуудыг нэвтрүүлэх, нөгөө талаар электрон спортоор дамжуулан хөлбөмбөгийн спортыг залуучуудад сурталчилах, хөлбөмбөгийн спортоор дамжуулан электрон спортыг олон нийтэд зөв таниулах зэргээр хамтран ажиллахад шаардлагатай тогтолцоогоор хангах юм.

Цар тахал гарсан энэ цаг үед хөлбөмбөгөө санан дурссан олон фанатууд цахимаар хөлбөмбөг тоглож, ур чадвараа сорих боломжийг гурван үе шаттай зохиогдох цахим тэмцээн олгоно. Эхний шатанд МХХ-ны гишүүн клубүүд оролцох бол дараагийн хоёр шатны тэмцээн нийт ФИФА сонирхогчдын дунд нээлттэйгээр зохион байгуулах аж. Эцэст нь эдгээр тэмцээнээс шалгарсан шилдгүүд лигийн журмаар өрсөлдөж шилдгийн шилдгээ тодруулах бөгөөд ялагч нь цаашлаад цахим хөлбөмбөгийн ДАШТ-д өрсөлдөх эрхийн эзэн болно.

Туркийн нэрт довтлогч Хакан Шюкюр “Uber”-ийн жолооч болжээ

Туркийн шигшээ багт 112 тоглолт хийж, 51 гоол оруулсан Хакан Шюкюр 2011 онд одоогийн Ерөнхийлөгч Таийп Эрдоганы “Шударга ёс, хөгжил” намд элссэн ч үзэл бодлын зөрчилдөөн үүссэн тул хоёр жилийн дараа намаас гарсан билээ.

Хакан Шюкюр саяхан Германы “Welt am Sonntag” сэтгүүлд өгсөн ярилцлагадаа төрийн эргэлтэд оролцсон гэж буруутгагдсанаас хойш амьдрал нь тун хэцүү болсон талаар ярьжээ.

“Би хоосорсон. Т.Эрдоган миний бүх зүйлийг авсан. Эрх чөлөө, үзэл бодлоо чөлөөтэй илэрхийлэх эрх, ажиллах боломж гээд бүх зүйлийг маань дээрэмдсэн” гэж 48 настай довтлогч онцолсон байна.

“Т.Эрдоганаас зайгаа барьсан цагаас хойш намайг сүрдүүлэх нь энгийн үзэгдэл болсон. Эхнэрийг маань дэлгүүрт явж байхад дайрч, хүүхдүүдийг маань доромжилсон. Аав маань шоронд орж, миний бүх эд хөрөнгийг хурааж авсан” гэж Хакан цааш нь үргэлжлүүлсэн юм.

Аргаа барсан Х.Шюкюр АНУ-ын Калифорниа муж руу нүүж, тэндээ кафе ажлуулж байсан ч үл таних этгээдүүд сүрдүүлэх болсон тул бизнес хийхээ больсон аж. Одоо тэр “Uber” тэрэг жолоодож, ном зарах болжээ.

Жанни Инфантино маргааш Монголд ирнэ

Энэ сарын 16-нд буюу маргааш Олон улсын хөлбөмбөгийн холбооны Ерөнхийлөгч Жанни Инфантино Монголд ирнэ.

Монголын хөлбөмбөгийн холбооны тэргүүн А.Ганбаатарын урилгаар Олон улсын хөлбөмбөгийн холбооны Ерөнхийлөгч Жанни Инфантино маргааш манай улсад ирэхээр болжээ. Тэрбээр өмнө нь 2013 онд Европын хөлбөмбөгийн холбооны ерөнхий нарийн бичгийн дарга байхдаа холбооныхоо тэргүүн асан Мишель Платинигийн хамт Монголд ирж байсан билээ.

Ж.Инфантино МХХ-ны одоогийн үйл ажиллагаа болон “FIFA Forward” төслийн хэрэгжилтийг бодитоор харах, дээрх төслийн хүрээнд Шинэ Яармагт баригдсан ногоон талбайн нээлтэд оролцох, түүнчлэн Монгол Улсын Ерөнхийлөгч Х.Баттулгад бараалхах зэрэг олон ажлыг амжуулахаар төлөвлөсөн талаар МХХ-ны хэвлэлийн алба мэдээлэв.

Жанни Инфантино 2016 оноос хойш FIFA-гийн тэргүүнээр ажиллаж буй

Ж.Инфантино ойрын өдрүүдэд Ази тивээр айлчлал хийж буй. Өнгөрсөн долоо хоногийн сүүлээр Бангладеш, Ливанд зочилсон тэрбээр өнөөдөр БНАСАУ буюу Умард Солонгост болох Өмнөд, Хойд Солонгосын тоглолтыг үзэх аж. Сонирхуулахад, хоёр Солонгосын тоглолтыг аль ч улсын телевизээр шууд дамжуулахгүй гэдгийг мэдэгдсэн. Тэр ч бүү хэл Өмнөд Солонгосоос нэг ч хөгжөөн дэмжигч очоогүй, гадны хэвлэл мэдээллээс ч сурвалжлагчид очихгүй аж.

К.Роналду 700 гоолтой боллоо

Португалын шигшээ багийн ахлагч Криштиану Роналду өнгөрсөн шөнө Украины эсрэг гоол оруулснаар замналдаа 700 гоолтой болов.

Өдгөө 34 настай довтлогч эр Украины эсрэг тоглолтын 72 дахь минутад торгуулийн цохилтоор гоол оруулсан. Харамсалтай нь, Португалын шигшээ баг Украинд 2:1-ээр дийлдсэн юм. Талбайн эзэд тун чухал тоглолтод хожсоноор Евро 2020-д оролцох эрхээ авлаа.

К.Роналду нийт 973 тоглолтод оролцож, 700 гоолтой болсон юм. Шигшээдээ 95 гоол оруулсан үзүүлэлтээр бүх цаг үед хоёрдугаарт бичигдэж байна. Одоогоор түүний урд Ираны алдарт хөлбөмбөгчин Али Дайегийн 109 гоолтойгоор тэргүүлж буй.

Алдартнуудын эгнээнд

Хөлбөмбөгийн үзүүлэлтээр дагнасан нэгэн байгууллагын гаргасан судалгаагаар замналынхаа турш К.Роналдугаас олон гоол оруулсан таван хөлбөмбөгчин бий. Тэднийг Чех болон Австрийн шигшээд зүтгэж байсан Йозеф Бицан 805 гоолтойгоор тэргүүлдэг. Түүний дараа Бразилын довтлогчид болох Ромарио 772, Пеле 767 гоол тэмдэглүүлжээ.

ТоглогчУлсКлубГоолХугацаа
Йосеф БицанЧех/АвстриРапид Вьена, Слава Праг8051931-1955
РомариоБразилВаско да Гама, ПСВ, Барселона7721985-2007
ПелеБразилСантос, Нью-Йорк Космос7671957-1977
Ференц ПушкашУнгарБудапешт Хонвейд, Реал Мадрид7461943-1966
Герд МюллерГерманБайерн Мюнхен7351962-1981
Криштиану РоналдуПортугалСпортинг, Ман-Юнайтед, Реал Мадрид, Ювентус7002002-Одоог хүртэл

Бусад баримтууд

Роналду Швед зэрэг дөрвөн багийн эсрэг таван гоол оруулжээ

Португал эр Испанийн “Реал Мадрид” багт зүтгэхдээ 450 гоол оруулсан юм. Түүнчлэн Английн “Манчестер Юнайтед” багийн бүрэлдэхүүнд 118 гоол оруулсан үзүүлэлттэй. Шигшээдээ нийт 95 гоол өөрийнхөө нэр дээр тэмдэглүүлсэн нь бүх цаг үед тэргүүлэхэд хангалттай тоо аж. Түүний дараа Паулета 47 гоолтойгоор удаалдаг.

Португалын өмсгөлтэй Андорра, Армени, Латви болон Шведийн эсрэг таван гоол оруулсан. Эстони, Фарерын арлууд, Унгар, Литви, Люксембург, Нидерландын эсрэг дөрвөн гоол оруулсан боловч Франц, Герман, Итали болон Английн эсрэг гоолдож байгаагүй.

Клубийн хувьд “Севилья” (27), “Атлетико Мадрид” (25), “Гетафе” (23), “Селта Виго” (20), “Барселона” (18) гэх багуудад Роналду хамгийн олон гоолоо оруулжээ.

Серхио Рамос шигшээдээ 168 дахь тоглолтоо хийлээ

“Реал Мадрид” клубийн туршлагатай хамгаалагч Серхио Рамос шигшээдээ 168 дахь тоглолтоо хийлээ.

“Евро 2020”-ын урьдчилсан шатанд Испани, Норвегийн шигшээ баг 1:1-ээр эвийн гэрээ байгуулсан. Тус тоглолтод оролцсон Испанийн шигшээ багийн хамгаалагч С.Рамос үндсэн багт 168 дахь тоглолтоо хийжээ. Ингэснээр С.Рамос шигшээдээ хамгийн олон тоглолтод оролцсон испани тоглогч болсон юм. Түүнээс өмнө нэрт хаалгач Икер Кассильяас 167 тоглолтод оролцсон амжилтаар тэргүүлж байв.

Өдгөө 33 настай С.Рамос 2005 оноос хойш шигшээдээ үнэнч зүтгэж буй. Энэ хугацаанд дэлхийн болон тивийн аварга болж, Испанийн шигшээгийн алтан үед багтаж байв.

Сонирхуулахад, бүх цаг үед Египетийн Ахмед Хассан 16 жилийн хугацаанд шигшээ багтаа 184 тоглолт хийсэн үзүүлэлтээр тэргүүлдэг. Харин Европ тивийн тоглогчдоос Италийн хаалгач Жианлужи Буффон 20 жилд 176 тоглолтод оролцсон аж. С.Рамосын хувьд Еквадорын Иван Хуртадогийн хамт бүх цаг үеийн есдүгээрт бичигдэж байна.