ОХУ-ын хөл бөмбөгийн шигшээ багийн дасгалжуулагч Станислав Черчесовыг үүрэгт ажлаас нь чөлөөллөө. Хойд хөршийн баг сүүлийн таван жил түүний удирдлага доор нийт 57 тоглолт хийж 24 ялалт, 13 тэнцээ, 20 ялагдал амссан байна. Оросын шигшээг удирдаж байсан дасгалжуулагчдын дундаас тэрээр оролцсон тоглолтын тоогоор хоёрдугаар байрт байдаг билээ. Харин түүний урд 1994-1996, 1999-2002 онуудад шигшээгийн дасгалжуулагч байсан Олег Романцев бичигддэг юм.
Оросын холбооны улсын шигшээ багийн дасгалжуулагчид
| Дасгалжуулагч | Он | Тоглолт | Ялалт | Тэнцээ | Ялагдал | Гоолын харьцаа | Оноо | Хувь |
| Олег Романцев | 1994-1996, 1999-2002 | 60 | 36 | 14 | 10 | 120-50 | 122 | 67,78 |
| Станислав Черчесов | 2016-2021 | 57 | 24 | 13 | 20 | 99-78 | 85 | 49,71 |
| Гус Хиддинк | 2006-2010 | 39 | 22 | 7 | 10 | 66-39 | 73 | 62,39 |
| Фабио Капелло | 2012-2015 | 33 | 17 | 11 | 5 | 56-22 | 62 | 62,63 |
| Дик Адвокат | 2010-2012 | 24 | 12 | 8 | 4 | 32-13 | 44 | 61,11 |
| Павел Садырин | 1992-1994 | 23 | 12 | 6 | 5 | 40-23 | 42 | 60,87 |
| Борис Игнатьев | 1996-1998 | 20 | 8 | 8 | 4 | 30-17 | 32 | 53,33 |
| Георгий Ярцев | 2003-2005 | 19 | 8 | 6 | 5 | 32-27 | 30 | 52,63 |
| Леонид Слуцкий | 2015-2016 | 13 | 6 | 2 | 5 | 23-17 | 20 | 51,28 |
| Валерий Газзаев | 2002-2003 | 9 | 4 | 2 | 3 | 18-14 | 14 | 51,85 |
| Юрий Семин | 2005 | 7 | 3 | 4 | 0 | 12-4 | 13 | 61,90 |
| Анатолий Бышовец | 1998 | 6 | 0 | 0 | 6 | 5-14 | 0 | 0,00 |
| Александр Бородюк | 2006 | 2 | 0 | 1 | 1 | 0-1 | 1 | 16,67 |
ОХУ-ын шигшээ багийн шинэ ахлах дасгалжуулагчийн албан тушаалд нэр дэвшигчдийн жагсаалтад Германы шигшээ багийн экс дасгалжуулагч Иоахим Лёв, Португали мэргэжилтэн Андре Виллаш-Боаш, Германы залуучуудын шигшээ багийн ахлах дасгалжуулагч Стефан Кунз нар багтжээ. Мөн үүнээс гадна “өөрсдийн” хүмүүс буюу орос дасгалжуулагчид дундаас Казань хотын “Рубин” багийн хуучин дасгалжуулагч Курбан Бердиев болон “Локомотив” багийг гурвантаа аваргын индэрт аваачсан Юрий Сёмин нар яригдаж байна.