Tag: дасгалжуулагч

АХБХ-ны B зэрэглэлийн шүүгчид бэлтгэж эхэллээ

Хөлбөмбөгийн хөгжлийг хурдасгах чухал хүчин зүйлсийн нэг бол чадварлаг дасгалжуулагч гэдэгтэй маргах хүн үгүй бизээ.

Тиймдээ ч МХБХ-ны зүгээс “Урт хугацааны стратеги төлөвлөгөө 2020-2028” хөтөлбөрийн мэргэшсэн боловсон хүчнийг бэлтгэх зорилтын хүрээнд дасгалжуулагчдынхаа боловсрол, мэдлэг чадварт үргэлж анхаарал хандуулж, сургалтуудыг тогтмол зохион байгуулж, клубээр дамжуулан санхүүгийн хувьд дэмжих бодлого хэрэгжүүлж байгаа юм.

Энэ удаад АХБХ-ны “В зэрэглэл”-ийн дасгалжуулагчийн сургалтыг анх удаа дотооддоо зохион байгуулж байна. Сургалтад 17 оролцогч, хоёр ажиглагч хамрагдаж байгаа бөгөөд АХБХ-ны “А” зэрэглэлийн дасгалжуулагчид болох Э.Ганзориг, Б.Гарьдмагнай нар удирдан явуулж байна. АХБХ-ноос Япон улсын мэргэжилтэн Ясухиро Кимура цахим хэлбэрээр сургалтын явцыг хянаж буйг дуулгах нь зүйтэй.

Энэхүү сургалт нь гурван үе шаттай ба эхний шат 9-р сарын 25-нд дуусна. Харин хоёр, гуравдугаар шат 10-р сард явагдаж дуусах болно. АХБХ-ны В ангиллын сургалтад сууж, зэрэглэлээ ахиулахаар хичээнгүйлэн суралцаж байгаа дасгалжуулагчдад МХБХ-ны Ерөнхий Нарийн Бичгийн Дарга Д.Тэрбаатар, Техникийн Захирал Б.Буман-Учрал нар сургалтын нээлтийн үйл ажиллагаанд оролцон, амжилт хүслээ.

Эх сурвалж: МХБМ

Алтан бөмбөг 2020: Ёслолын ажиллагаа (шууд)

Монголын хөлбөмбөгийн холбооноос жил бүр зохион байгуулдаг “Алтан бөмбөг” шагнал гардуулах ёслолын ажиллагаа. Энэ жил цар тахлын улмаас тус үйл ажиллагааг түүхэндээ анх удаа цахим хэлбэрээр зохион байгуулагдаж байна.

2020 оны шилдэгүүдийг шалгаруулах урьдчилсан санал асуулга Алтан бөмбөг цахим хуудсаар арванхоёрдугаар сарын 10-ны өдрийг хүртэл явагдаж дууслаа.

Ингэснээр төрөл тус бүрт хамгийн өндөр санал авсан гурав гурван сонголт эцсийн шалгаруулалтад шалгарч үлдлээ.

Оны шилдэг эмэгтэй тоглогч

Н.Дэлгэрзаяа – Туулын том тулнууд ХК
Э.Энхмаргад – Туулын том тулнууд ХК
Ө.Ундрах – Арвис ХК

Оны шилдэг футзалын тоглогч

О.Оюунболд – Монгол тэмүүлэл ХК
Э.Пүрэвдорж – Унаганууд ХК
М.Тэмүүлэн – Арвис ХК

Оны шилдэг эрэгтэй багийн дасгалжуулагч

Б.Ганбат – Улаанбаатар ХК
Б.Гарьдмагнай – Атлетик 2020 ХК
С.Пүрэвсүх – Хангарьд, Хоромхон ХК

Оны шилдэг эмэгтэй багийн дасгалжуулаг

В.Мөнхжаргал – Дэрэн ХК
Г.Тулгабаяр – Туулын том тулнууд ХК
Г.Өнөрбаяр – Арвис ХК

Оны шилдэг футзалын багийн дасгалжуулагч

Л.Банзрагч – Арвис ХК
Н.Баттулга – Хараацай ХК
С.Эрдэнэ-Очир – Унаганууд ХК

“Алтан шүгэл” оны шилдэг шүүгч

Р.Жаргалсайхан
Б.Хаш-Эрдэнэ
Д.Түмэнбаяр

Оны шилдэг гоол

https://www.youtube.com/watch?v=F7GGv1mk8DE
Олон нийтийн саналаар шалгаруулна

Эрэгтэй “Бэлгэдлийн XI” тоглогч

Олон нийтийн саналаар шалгаруулна

МХХ-ны Ерөнхийлөгчийн нэрэмжит шагнал

Монголын хөлбөмбөгийн холбооны Ерөнхийлөгчийн саналаар шалгаруулна

Ёслолын ажиллагааны шууд дамжуулалтыг ЭсПиЭс Телевизийн студиэс шууд дамжуулж, тамирчид, дасгалжуулагчид, шүүгчид болон урилга бүхий зочид онлайнаар оролцох юм.

Зохион байгуулагч

Монголын хөлбөмбөгийн холбоо
SPS television