Tag: түүх

Дарангуйлагч Mуссолинигийн ачинцар мэргэжлийн хөлбөмбөгийн багтай гэрээ байгуулжээ

Италийн фашист дарангуйлагч Бенито Mуссолинигийн дөрөв дэх хүүгийн зээ хүү болох Романо Mуссолини Италийн мэргэжлийн хөлбөмбөгийн “Лацио” багтай гэрээ байгуулсан байна.

            Энэ жил 18 настай Романо өнгөрсөн хоёрдугаар сард Ром хотын багийн 19-өөс доош насны багт дуудагдаж , сүүлийн таван тоглолтын дөрөвт нь оролцсон юм. Харин одоо үндсэн багийн тоглогч болж, гурван жилийн гэрээ байгуулжээ.

            Романо өөрийн Инстаграм хуудсандаа гэрээ байгуулж байгаа зурагаа оруулан “Өөрийн хаанаас эхэлсэнээ сайн тунгаан бодож байна. Анхнымэргэжлийн гэрээгээ “Лацио” багтай байгуулсандаа болон энэ өмсгөлтэй гурван жилийг өнгөрөөхдөө маш их баяртай байна ” хэмээжээ.

            Tэрбээр Алессандра Mуссолини болон Mауро Флорианигийн гурав дахь хүү юм.

            Tүүний ээж Алессандра Mуссолини Европын Холбооны Парламентад Итали улсыг төлөөлсөн гишүүн байжээ.

            Романо Италийн “Il Messaggero” сонинд өгсөн ярилцлагадаа

“Mуссолини гэсэн нэрийг минь биш миний тоглолтыг л шүүмжил” гэсэн байна.

            “Лацио”-гийн ултра хөгжөөн дэмжигчид арьс өнгө угсаа гарвалиар ялгаварлан гадуурхдагаараа зартай билээ.

“Үндэсний шигшээ багийн өдөр”

ӨНӨӨДӨР МОНГОЛ УЛС ДЭЛХИЙН АВАРГА ШАЛГАРУУЛАХ ТЭМЦЭЭНЭЭС АНХНЫ ОНООГОО АВСАН 20-Н ЖИЛИЙН ОЙН ӨДӨР

Монголын шигшээ баг 2001 оны 2-р сарын 19-нд ДАШТ-ий урьдчилсан шатанд анх удаа оролцон Бангладешийн багтай 2:2-оор тэнцэж ДАШТ-ээс анхны оноогоо авч байсан билээ. Монгол улсаа төлөөлөн тус тэмцээнд оролцсон И.Отгонбаяр дасгалжуулагчаар удирдуулсан шигшээ багтай холбоотой 10-н баримтыг хүргэж байна.

  1. Монгол улсын хөлбөмбөгийн шигшээ багийн анхны ДАШТ оролцох эрхийн төлөөх тэмцээн
  2. Саудын Араб, Вьетнам, Бангладер улсуудтай нэг хэсэгт таарсан
  3. Хэсгийн сүүлийн тоглолтонд Бангладешийн шигшээтэй 2:2 тэнцсэнээр ДАШТ шалгаруулалтаас анхны оноогоо авч байсан
  4. ОУХМ Д.Батзориг, МУГТ Б.Буман-Учрал нар гоол оруулсан
  5. 2018 оноос уг тоглолт болсон өдөр буюу хоёрдугаар сарын 19-нийг “Үндэсний шигшээ багийн өдөр” хэмээн тэмдэглэн өнгөрүүлэх болсон
  6. Шигшээ багийн дасгалжуулагчаа И.Отгонбаяр, багийн ахлагчаар Б.Буман-Учрал нар байсан
  7. Шигшээ багийн дундаж нас 27.1 байсан
  8. 2000 оны Азийн цомын урьдчилсан шатны тэмцээний үеэр нэгэн Солонгос байгууллага бэлэглэсэн өмсгөлийг өмсөж байжээ. Уг өмсгөлтэйгээр Монгол улсын шигшээ баг хоёр жил тэмцээнд оролцсон аж
  9. Нийт 20 тамирчин, дасгалжуулагч, албаны хүмүүс гээд 25 хүний бүрэлдэхүүнтэй очиж байсан
  10. Шигшээ баг галт тэрэг, усан онгоц, агаарын онгоц, автобусаар гэгчлэн таван хоногт таван улсыг дамнан зорисон газраа очиж байжээ.

Эх сурвалж: МХХ

Муртаза хүүгийн хувь заяа

Ах нь эрээн гялгар торон дээр Мессигийн нэрийг бичиж өмсгөн Facebook-т зургийг нь тавьснаар таван настай афган жаал Муртаза дэлхий нийтэд танил болсон билээ.

https://twitter.com/persian_gulf400/status/702964665433919489

Энэ зураг бүх сүлжээгээр тарж, эцэст нь Муртаза гэр бүлийн хамт Дохад уригдаж шүтээнтэйгээ уулзаж, тэвэрч, бөмбөг өшиглөж явж, 2016 онд.

Гэвч одоо тэрээр мартагджээ.

Хүүгийн зураг интернэтэд од болсны дараа “Месси афган хүүтэй биечлэн танилцахыг хүсч байна” хэмээн шуугиж, удалгүй Мессигээс хоёр хайрцаг илгээмж иржээ.

“Хоёр хайрцаг бэлэг ирэхээр нэг нь Муртазад ирсэн тоглоом, нөгөө нь дүүрэн доллар байгаа л гэж бодсон. Гэвч нэг бөмбөг, нэг өмсгөл л байсан. Гэсэн ч хүмүүс Месси бидэнд бөөн доллар явуулсан гэж итгэсэн. Хүмүүс өдөр шөнөгүй гэрийн гадуур эргэлдэж үнэхээр түгшүүртэй байсан” хэмээн өгүүлэв.

Хүүгийн аав Ахмади

Хүүхдүүд ч Муртазатай тоглохоо больж, гадуурхаж, тэрээр гадаа гарч тоглохоо больж, сургуулиасаа гарчээ. Талибууд Месситэй уулзсаных нь төлөө гэр бүлээр нь хулгайлна хэмээн заналхийлсэн тул Муртаза хөвгүүнийг арга буюу Кабул руу хамаатнууд руу нь явуулав. Муртазагийн гэр бүл НҮБ-д хандаж гадаадад улс төрийн орогнол олгохыг хүссэн ч бүтэлгүйтэж төрөлх Жагхори тосгондоо буцаж иржээ.

Гэрэл зургийг: Юнисеф Афганистан хуудаснаас авав

Харин Муртаза дөрвөн жилийн дараа буюу өнгөрсөн зургаан сард л гэртээ харьжээ. Кристиано Роналдо Заид Абдул хэмээх сири жаалыг Сантьяго Бернабеу цэнгэлдэхэд хөтлөн гарч, дараа нь гэр бүл нь Испанид оршин суух эрхтэй болсон тухай сонссон Муртазагийн ээж нь “Месси Муртазагийн төлөө илүү их зүйл хийж болох байсан ч тэгээгүй” хэмээн гомдолложээ.

Эх сурвалж: Marca
Орчуулсан: Б.Нямдорж