Хөлбөмбөг сонирхогчид та бүхэн Английн премьер лигийн сүүлийн 10 улирлалд багууд ямар ямар амжилт үзүүлж байсныг тойрог бүрийн үзүүлэлтээр 5 минутанд багтаан үзээрэй.
Tag: видео
Украин залуус дэлхийн аварга боллоо (видео)
u20 буюу 20 хүртэлх насны залуучуудын ДАШТ-д украинчууд түрүүллээ.
Польш улсад гурван долоо хоногийн турш үргэлжилсэн 20 хүртэлх насны залуучуудын дэлхийн аваргын финалд өмнө нь медаль хүртэж байгаагүй Украин болон БНСУ-ын залуус тунаж үлдсэн билээ.
Тоглолт эхлээд ердөө тав дахь минутад торгуулийн цохилт гүйцэтгэх эрхтэй болсон өмнөд солонгосчууд боломжийг алдалгүй ашиглаж, И Кан Ин эхний гоолыг оруулсан. Гэхдээ украинчууд бууж өгсөнгүй. “Динамо Киев”-ийн довтлогч Владислав Супряга дараалан хоёр гоол оруулснаар тэргүүлэгчийн байр өөрчлөгдсөн. Улмаар тоглолтын 89 дахь минутад Георгий Цитаишвили тооны харьцааг холдуулснаар энэ жилийн аварга баг тодорсон юм.
Украин залуус өмнө нь тус тэмцээнд шөвгийн 16-гаас хэтэрч үзээгүй аж. Түүнчлэн хуучнаар ЗХУ-аас салсанаас хойш Олон Улсын хөлбөмбөгийн холбооноос зохион байгуулсан томоохон тэмцээнд анх удаа түрүүлж байна.
Харин БНСУ-ын хөлбөмбөгчид шар тивээс үзүүрлэсэн хоёр дахь баг боллоо. Өмнө нь Японы шигшээ баг 1999 онд Испанитай аваргын цомын төлөө хүч сориод, 4:0-ээр хожигдсон билээ. Гуулин улсын хөлбөмбөгчид 1983 оны ДАШТ-д дөрөвдүгээр байр эзэлсэн амжилтаа шинэчилсэн.
Тус тэмцээний шилдэг тоглогчоор БНСУ-ын болон Испанийн “Валенсиа” клубийн И Кан Ин шалгарлаа. Шилдэг хаалгачаар Укрианы шигшээ болон Испанийн “Леганес” клубийн Андрей Лунин тодорсон юм. Мэргэн буучаар Норвегийн шигшээ болон Австрийн Эрлинг Холанд 9 гоолоор тодров. Э.Холанд Хондурасын эсрэг тоглолтод бүх гоолоо оруулсан билээ.
Арабын Нэгдсэн Эмиратын хөгжөөн дэмжигчид “орк зан” гаргав (видео)
Хөлбөмбөгийн Ази тивийн АШТ-ий хагас шигшээ тоглолт өндөрлөлөө. Түүхэндээ анх удаа энэ шатанд өрсөлдсөн Катар, талбайн эзэн Арабын Нэгдсэн Эмират багийн тоглолт 4:0-ээр өндөрлөв.
2022 оны хөлбөмбөгийн ДАШТ-ийг нутагтаа зохион байгуулах даалгавартай катарчууд түүхэн амжилтаа бичиж байна. Тэд талбайн эзэн Арабын Нэгдсэн Эмиратыг 4:0-ээр бут ниргэж, анх удаа Азийн аваргын шигшээд шалгарлаа. Гэхдээ энэ тоглолтын үр дүнгээс илүү анхаарал татсан үйл явдал нь катарчуудын хоёр дахь гоолын дараа Арабын Нэгдсэн Эмиратын бухимдсан хөгжөөн дэмжигчид талбай руу гутал, усны сав “нүүлгэж” уураа гаргасан юм.
Ойрхи Дорнодод гутал шиднэ гэдэг хамгийн хатуу доромжлол гэсэн үг. Гутал бол хүний өмсдөг хамгийн бохир зүйл гэж тэд үздэг юм. Харин Катарын шигшээ багийн дасгалжуулагч, испани мэргэжилтэн Феликс Санчес шавь нар нь сэтгэл хөдлөлөө дарж, ямар нэг зүйл хийгээгүйд талархаж байгаагаа илэрхийлжээ.
Ази тивийн АШТ-ий финалд Япон, Катар өрсөлдөх болсон юм. Энэ тоглолт хоёрдугаар сарын 1-нд, 22:00 цагаас эхэлнэ.
Криштиану Роналду “FIFA 19” тоглоомны ковер болов
Криштиану Роналду “FIFA 19” тоглоомны ковер болох нь тодорхой боллоо.
Шинэ улиралд Италийн “Ювентус” клубт зүтгэхээр болсон португал довтлогч болон Францын “ПСЖ” клубийн бразил тоглогч Нэймар нар видео тоглоомны зурагт хуудсыг чимэх аж. Гэхдээ Нэймарын хувьд “Аваргууд” хувилбарынх нь ковер болох юм.
К.Роналду өнгөрсөн жил “Реал Мадрид”-ын гишүүн байхдаа “FIFA 18” тоглоомны ковер болж байв.
“Ювентус” клубийн хувьд энэ улиралд 100 сая евро төлж, К.Роналдуг өөрийн болгосон. Энэ нь 30 ба түүнээс дээш насандаа ийм үнэ хүрсэн анхны, бас Италийн лигийн хамгийн үнэтэй наймаа болсон түүхтэй.
“FIFA 19” тоглоом өнөө жил Аваргуудын лиг, Европа лиг болон Супер цомын тэмцээнийг багтаасан юм.
Уг тоглоом ирэх есдүгээр сарын 28-нд худалдаанд гарах аж.