Tag: Криштиану Роналду

Антонио Валенсиа хөлбөмбөгийн замналдаа цэг тавьлаа

Хөлбөмбөгийн төлөө 20 жил зүтгэсэн Экуадор залуу ногоон талбайдаа баяртай гэж хэллээ. Гайхалтай он жилүүдийнхээ талаар тэрбээр “Би 14 настайдаа анхны багтаа тоглохоор гэр бүл, тосгоноо орхиод эх орныхоо нийслэл рүү аялалд гарч байлаа. Хэдэн жилийн дараа Испани руу явахаар болсон ба ийм зүйл болно гэж би хэзээ ч мөрөөдөж байгаагүй. Тэнд хэдэн жил тоглосны дараа өөрийн хоёр дахь гэр болох Англид ирж байсан юм. Уиганд байхдаа би маш том туршлага суусан бөгөөд үүний эцэст бурхан надад “Манчестер Юнайтед”-д тоглох боломжийг олгосон. Олд Траффордод өнгөрөөсөн цаг хугацаа, гоол, цом, гайхалтай хөгжөөн дэмжигчдээ би хэзээ ч мартахгүй” гэжээ.

Өдгөө 35 настай тэрбээр 2009 онд Криштиану Роналду “Манчестер Юнайтед“-ийг орхиход түүний орыг нөхөхөөр гарын үсэг зурж байлаа. Энэ үеэр Сэр Алекс Фергюсон “Антонио бол сүүлийн хоёр жилийг Уиган-тай хамт Премьер лигт өнгөрөөсөн бидний биширдэг тоглогч. Түүний хурд, ур чадвар нь багт чухал хувь нэмэр оруулна гэдэгт би итгэлтэй байна” гэж байв. Антонио ч түүний итгэлийг алдалгүй тухайн улиралд долоон гоол, 13 дамжуулалтыг гүйцэтгэж байжээ. Тус улиралд 26 гоолыг оруулсан Уэйн Руни “Би түүнгүйгээр энэ гоолуудыг хийж чадахгүй байсан. Тэр гайхалтай байлаа” хэмээн түүнийг магтаад амжжээ. 

Ямартай ч дэлхийн шилдэгийн орлон тоглогчийн дүрээр ирсэн тэрбээр гайхалтай он жилүүдийг мөрөөдлийн театрт өнгөрүүлэхдээ тус клубын оны шилдэг тоглогчоор ч шалгараад амжсан түүхтэй. Түүний хөлбөмбөг энэ хүрээд өндөрлөлөө.

Баярлалаа, баяртай Антонио Валенсиа.

    Европын аваргын түүх болон баримтууд

    Буурал тивийн хөлбөмбөгийн аварга шалгаруулах тэмцээн хаяанд иржээ. Иймээс тус тэмцээний тухай түүх болон сонирхолтой баримтыг танилцуулъя.

    1927 онд тухайн үеийн Францын хөлбөмбөгийн холбооны ерөнхий нарийн бичгийн дарга асан Анри Делаунай анх тивийн аварга шалгаруулах тэмцээн зохион байгуулах санааг гаргаж байжээ. Тухайн үед ажил хэрэг болж чадаагүй ч Делаунайг нас барснаас гурван жилийн дараа буюу 1958 онд түүний санаа ажил хэрэг болсон юм. Түүний дурсгалыг хүндэтгэн цомыг нэрлэж, 1960 онд Францад анхны буурал тивийн аварга “Европын үндэстнүүдийн цом” нэртэйгээр зохион байгуулагдсан юм. Анхны тэмцээний урьдчилсан шатанд 17 баг оролцож шигшээ шатанд дөрвөн баг өрсөлдсөний эцэст ЗХУ-ын залуучууд аваргаар тодорчээ. Энэ цагаас хойш дөрвөн жил тутамд зохион байгуулагдаж буй.  

    Баримтууд

    • Европийн аварга нь үзэгчээрээ ДАШТ-ий дараа орох хөлбөмбөгийн тэмцээн бөгөөд 2012 оны финалын тоглолтыг 300 сая, 2016 онд 284 сая хүн дунджаар үзсэн байдаг.
    • Испани болон германчууд түүхэндээ гурван удаа түрүүлсэн амжилтаар тэргүүлдэг бол тэдний араас Франц улс хоёр түрүүтэй жагсдаг. 
    • Испани нь 2008, 2012 онуудад дараалан түрүүлж байсан цор ганц баг.
    • 1996 оноос эхлэн өнөөдрийн “Евро” нэрээр зохион байгуулагдаж буй.
    • Тэмцээний бүх цаг үеийн мэргэн бууч бол Криштиану Роналду болон Мишель Платини. Тэд хоёул есөн гоолтой. Мөн Роналду хамгийн олон буюу 21 тоглолтод оролцсон.
    • 2016 он хүртэл тэмцээний ялагчид холбооны цомын тэмцээнд оролцох эрх өгдөг байв.
    • 2008 онд цомыг шинэчилсэн. Одоогийн цом нь мөнгөөр хийгдсэн бөгөөд найман кг жинтэй, 60 см өндөр.
    • Тус тэмцээнд нийт 10 улс түрүүлж байсан юм.

    Тэмцээний түүхэн үзүүлэлт

    Тэмцээний он, зохиогдсон газарАлтМөнгөХүрэл
    1960 он Франц улсЗХУЮгославЧекословак
    1964 он Испани улсИспаниЗХУУнгар
    1968 он Итали улсИталиЮгославАнгли
    1972 он Бельги улсБаруун ГерманЗХУБельги
    1976 он Югослав улсЧекословакБаруун ГерманНидерланд
    1980 он Итали улсБаруун ГерманБельгиЧекословак
    1984 он Франц улсФранцИспаниДани, Португал
    1988 он Баруун Герман улсНидерландЗХУИтали, Баруун Герман
    1992 он Швед улсДаниГерманНидерланд, Швед
    1996 он Англи улсГерманЧехАнгли, Франц
    2000 он Бельги, Нидерланд улсФранцИталиНидерланд, Португал
    2004 он Португал улсГрекПортугалЧех, Нидерланд
    2008 он Австри, Швейцарь улсИспаниГерманОрос, Түрк
    2012 он Украйн, Польш улсИспаниИталиГерман, Португал
    2016 он Франц улсПортугалФранцГерман, Уэльс
    1984 оноос эхлэн хүрэл медалийн төлөөх тоглолт хийхээ больсон.

    Цар тахлын улмаас нэг жил хойшлогдоод байсан XVI удаагийн буурал тивийн аварга шалгаруулах тэмцээн ирэх зургадугаар сарын 11-нд Италийн Ром хотын “Стадио Олимпико” цэнгэлдэхэд  хөшгөө нээнэ. Тус тэмцээнийг Ирланд, Шотланд, Уэльс улс хамтран, Гүрж, Азербайжан мөн Турк улс зохион байгуулах саналаа хүргүүлсэн ч 2012 оны арванхоёрдугаар сард ЕХХ-оос 2020 оны тэмцээнийг Европын янз бүрийн улс орнуудын хэд хэдэн хотод зохион байгуулж, хагас шигшээ ба шигшээ тоглолтыг Лондонд явуулна гэж мэдэгдсэн. Иймээс энэ удаагийн тэмцээнд анх удаа Европын 12 улс хамтран зохион байгуулах юм. (ЕАШТ-2020 арван хоёр өөр улсад болно)

      Баллон д’Орын “Бүх цаг үеийн Мөрөөдлийн баг” зарлагдлаа

      3–4–3 форматаар байрлал тус бүрийн шилдэг 10 тоглогчдыг интернэт санал асуулгаар фэнүүд нэрлэсэн. Харин эцсийн 11-ийг France Football сэтгүүлийн орон орны 140 сэтгүүлчдийн саналаар тодруулсан юм.

      Баллон д’Ор хүртсэн түүхэн дэх цорын ганц хаалгач Лев Яшин (ЗХУ – 1963) арын шугаманд, Кафу (Бразил), Франц Беккенбауэр (Герман), Паоло Мальдини (Итали) нарын хамт бүх цаг үеийн шилдгээр тодорлоо. Сери А-д карьерын оргил жилүүдээ өнгөрүүлсэн Кафу гурван Дэлхийн аваргын шигшээд оролцсон түүхэн дэх цорын ганц тоглогч. Харин Der Kaiser хэмээн алдаршсан Беккенбауэр 1972, 1976 онуудад Баллон д’Орын эзэн болж байв.

      Өдгөө Миланы техникийн захирлаар ажиллаж байгаа Мальдини бүхий л карьераа төрөлх багтаа зориулж, клубын зүүн арыг 24 жил найдвартай хамгаалсан.
      Дундын шугамын хамгаалах чиглэлд 1990 оны Дэлхийн аварга Лотар Маттеус (Герман), 2010 оны аварга Шави Эрнандес (Испани) нар нэрлэгдсэн бол довтолгооны хагас хамгаалагчдаар Диего Марадона (Аргентин), Пеле (Бразил) нар тодорчээ.

      Марадонагийн Хөлбөмбөгийн хөгжилд оруулсан хувь нэмрийг үнэлж 1995 онд Баллон д’Ор олгосон байдаг. Аргентиний алдарт эрхэм саяхан 60 насандаа өөд болсон. 1995 оныг хүртэл Баллон д’Орыг зөвхөн Европын тоглогчдод олгодог байсан учир Пеле энэ шагналыг авч байгаагүй юм.

      Харин бүх цаг үеийн шилдэг довтолгооны гурвалыг Лионель Месси (Аргентин), Роналдо Назариу (Бразил), Криштиану Роналду (Португал) нар бүрдүүлжээ.
      Месси 2004 оноос хойш Барселонагийн төлөө 642 (746 тоглолт) гоолыг оруулаад байгаа нь Пелегийн нэг клубт хийсэн бүх цаг үеийн амжилттай тэнцэхэд ганцхан гоол дутуу байна гэсэн үг. Энэ хугацаандаа тэр 10 Ла Лигийн түрүү, 4 Аваргуудын лигийн цом өргөжээ. Харин Роналду клубын карьертаа нийт 754 гоол бүртгүүлж, Премьер лиг, Ла лиг, Сери А-гийн цомыг Манчестер Юнайтед, Реал Мадрид, Ювентус багуудтай хүртсэн. Түүнд Аваргуудын лигийн 5 цом байгаа.

      Өдгөө Реал Вальядолид клубын эзэн Бразил-Роналдогийн хувьд Испани, Италийн топ багуудад бүгдэд нь тоглож байсан. Үүнд Интер, АС Милан, Барселона, Реал Мадрид багтана. Хэдий түүний клубын шагналууд дээрх хоёр эрхэмтэй харьцуулахад бага ч 1994, 2002 оны Дэлхийн аваргын түрүү түүнд бий. Роналдо 15 гоолтой ДАШТ-ий бүх цаг үеийн мэргэн буучдын хоёрт М.Клозегийн ард бичигддэг. Назариу 1997, 2002 онуудад Баллон д’Орын эзэн болж байсан.

      Ковид 19-өөс болж хөлбөмбөгийн улирал тасалдсан учраас France Football-г эзэмшдэг L’Équipe групп Баллон д’Орын шагнал гардуулахгүй гэдгээ мэдэгдсэн.

      Хөлбөмбөг: Месси ба Роналдугийн 36 дахь тулаан

      Аваргуудын лигийн хэсгийн шатанд учраа таарсан Испанийн “Барселона”, Италийн “Ювентус” клуб өнөөдөр “Камп Ноу” цэнгэлдэхэд өрсөлдөнө. Л.Мессигийн эсрэг К.Роналду. Тус хоёр багийн эхний тоглолтод “Барселона” өрсөлдөгчөө 2:0-ээр илүүрхсэн ч эсрэг багийн лидер К.Роналду цар тахлын халдвар авч, өнжсөн билээ.

      Аваргуудын лигийн хэсгийн сүүлийн тоглолтууд олны анхаарлыг татах нь гарцаагүй. Тэр тусмаа Л.Месси, К.Роналдугийн тулааныг бүр ч олон хүн үзэх биз. Тоглолт Улаанбаатарын цагаар арванхоёрдугаар сарын 9-нд үүрийн 04:00 цагаас эхэлнэ.

      G хэсэг

      • Барселона – 15
      • Ювентус – 12
      • Динамо Киев – 1
      • Ференцварош – 1

      “Барселона” талбайдаа тэнцэхэд л хэсгээ тэргүүлэх боломжтой. Эсвэл уг тоглолтод нэг гоолын зөрүүгээр хожигдсон ч байраа хадгалж үлдэх юм. Харин К.Роналдугийн баг өмнөх хариугаа аваад зогсохгүй өрсөлдөгчөө хоёр гоолын зөрүүгээр хожих шаардлагатай. Турины баг 2:0-ээр хожвол нэмэлт цаг сунгах бол 3:0-ээр илүүрхвэл хэсгээ тэргүүлэх юм.

      Хоорондоо хэрхэн тоглож байв?

      Тэд өмнө нь 35 удаа учраа таарч байв. К.Роналдуг “Реал Мадрид” багт байхад Испанийн Ла Лигт 18 удаа, Аваргуудын лиг, Испанийн Копа дэл Рэй болон Супер цомд тус бүр таван удаа, Аргентин, Португалын нөхөрсөг тоглолтод хоёр удаа учраа таарч байв.

      Эдгээр 35 тоглолтод:

      • Л.Месси 16 удаа хожиж
      • К.Роналду 10 удаа хожсон
      • 9 удаа тэнцэж байв.

      Энэ 35 тоглолтод Л.Месси 22 гоол оруулсан бол португал эр 19-ийг шигтгэжээ.

      Аваргуудын лигт учраа таарсан таван тоглолтын хоёрт нь Л.Мессигийн баг ялсан бол К.Роналду “Манчестер Юнайтед”-д байхдаа л нэг хожсон үзүүлэлттэй. Аргентин залуу энэ таван тоглолтод гурван гоол оруулсан бол өрсөлдөгч нь одоогоор гоол хийж амжаагүй байна.

      Covid 19: К.Роналду цалингаа хасуулсан ч…

      Италийн “Ювентус” клуб тоглогч болон дасгалжуулагчдынхаа цалинг танах тохиролцоонд хүрсэн анхны хөлбөмбөгийн баг болсон билээ.

      Энэ багт дэлхийн хамгийн алдартай хөлбөмбөгчдийн нэг Криштиану Роналду тоглодог. Италийн клуб 3-7 сар хүртэл тоглогчдынхоо цалинг танах тохиролцоогоор 100 сая орчим “ногоон” хэмнэж, энэ хугацаанд ажилгүй суух нийт клубын арын ажилтнуудын цалинг өгөх чадвартай үлдэх юм.

      Зөвхөн К.Роналдугийн цалингаас гэхэд 4.24 сая ам.доллар хасагдах тооцоог хэвлэлийнхэн хийчихсэн.

      Португал довтлогч өнгөрсөн жил гэхэд 109 сая “ногоон”-ы ашиг олсон. Үүнээс 65 сая нь цалин болон гэрээний дагуу олгох урамшуулал.

      Энэ улиралд цалин нь хасагдаж, ойролцоогоор 91 сая ам.долларын “халааслах” болсон ч К.Роналду хөлбөмбөгөөс нийт 1 тэрбум ам.долларын цалин авсан анхны тоглогч болох боломжтой.

      Түүхийн хуудас сөхвөл нэрт гольфчин Тайгер Вудс 2009 онд 1 тэрбум ам.долларын босго давсан анхны мэргэжлийн тамирчин болж байв. Түүний араас мэргэжлийн боксын ертөнцөд 13 жил ноёлсон Флойд Мэйвэйдер 2017 онд дээрх тоог давсан билээ.

      Хөлбөмбөг: Хамгийн өндөр орлоготой 10 хөлбөмбөгчин

      “France Football” сэтгүүлээс 2020 оны хамгийн өндөр орлоготой 10 хөлбөмбөгчинг зарлав.

      Уг жагсаалтад хөлбөмбөгчдийн цалингаас гадна зар сурталчилгаа, нэмэлт орлогыг багтаажээ.

      Жич: 1 еврогийн ханшийг 2,984 төгрөгөөр бодов.

      10. Кильян Мбаппе – 27 сая евро (80,571,701 тэрбум төгрөг)

      Дөнгөж 21 настай К.Мбаппе уг жагсаалтад багтсан хамгийн залуу хөлбөмбөгчин.

      9. Роберт Левандовски – 29 сая евро (86,570,280 тэрбум төгрөг)

      Польш довтлогч уг жагсаалтад орсон Бундес лигийн цор ганц тоглогч юм.

      Роберт Левандовски

      8. Рахем Стерлинг – 33 сая евро ( 98,521,255 тэрбум төгрөг)

      Английн Премьер лигээс хамгийн өндөр орлого олсон хүн бол Р.Стерлинг.

      7. Андрес Иньеста – 34 сая евро (101,503,942 тэрбум төгрөг)

      Өдгөө 35 настай, Японы лигт зүтгэж буй А.Иньеста жагсаалтын долдугаарт бичигдэв.

      Андрес Иньеста

      6. Эден Азер – 38 сая евро (113,478,464 тэрбум төгрөг)

      Өнгөрсөн зун “Реал Мадрид” руу шилжсэн бельги довтлогч ТОП 10-т анх удаа багтсан аж.

      5. Антоин Гриззман – 38 сая евро (113,478,464 тэрбум төгрөг)

      Өнгөрсөн жил “Атлетико Мадрид”-аас “Барселона”-д очсон франц довтлогчийн жилийн орлого эрс нэмэгджээ.

      Антоин Гриззман

      4. Гарет Бэйл – 38 сая евро (113,478,464 тэрбум төгрөг)

      Г.Бэйл энэ улиралд ердөө 18 тоглолтод оролцож, 3 гоол оруулсан ч хамгийн өндөр орлоготой хөлбөмбөгчдийн жагсаалтад дөрөвдүгээрт жагслаа. Түүний инстаграм хуудсан дахь нэг постны үнэ 185 мянган ам.доллар хүрдэг.

      3. Нэймар – 95 сая евро (283,664,161 тэрбум төгрөг)

      Уг жагсаалтын дөрөвдүгээрт бичигдсэн Г.Бэйлээс Нэймарын жилийн орлого 57 сая евро буюу ойролцоогоор 170 тэрбум төгрөгийн зөрүүтэй гарчээ.

      Нэймар

      2. Криштиану Роналду – 118 сая евро (350,655,760 тэрбум төгрөг)

      35 настай К.Роналду дахиад л 100+ сая еврогийн орлоготой. Түүний энэ орлогын багагүй хувийг хувийн музей болон зочид буудлаас нь бүрдүүлдэг.

      1. Лионел Месси – 131 сая евро (391,019,259 тэрбум төгрөг)

      Дэлхийн хамгийн өндөр цалинтай хөлбөмбөгчин бол Л.Месси. Түүний жилийн орлого К.Роналдугаас 13 сая еврогоор илүү аж.

      Лионел Месси

      “France Football” сэтгүүлээс дэлхийн хамгийн өндөр орлоготой дасгалжуулагчдыг танилцуулсан бөгөөд уг жагсаалтыг “Атлетико Мадрид”-ын Диего Симонэ тэргүүлжээ.

      1. Диего Симонэ – 40.5 сая евро (120,866,333 тэрбум төгрөг)

      2. Антонио Контэ – 30 сая евро (89,530,617 тэрбум төгрөг)

      3. Пэп Гуардиола – 27.5 сая евро (82,069,655 тэрбум төгрөг)

      Диего Симонэ

      Сонирхуулахад, эмэгтэй хөлбөмбөгчдийг 480 мянган еврогийн орлоготой Карли Ллойд тэргүүлж, түүний араас Меган Рапино (415 мянга), Ада Хегерберг (400 мянга) удаалсан юм.

      Цуурхал: Криштиану Роналдугийн зочид буудлыг эмнэлгийн зориулалтаар ашиглахгүй

      Португалын нэрт хөлбөмбөгчин Криштиану Роналдутай холбоотой нэгэн цуурхал тархсан. Тодруулбал, гадны хэд хэдэн мэдээллийн сайтуудаар К.Роналду өөрийн зочид буудлаа эмнэлгийн зориулалтаар ашиглаж, эмч нарын цалинг нь өгнө гэсэн цуурхал дэгдсэн юм.

      Хөлбөмбөгийн талаар дагнаж бичдэг итали сэтгүүлч Адриано Дел Монте өнгөрсөн гуравдугаар сарын 14-нд өөрийн твиттер хуудсандаа К.Роналдуг зочид буудлаа корона вирусын эсрэг эмнэлэг болгон ашиглуулж, эмч нарын цалинг хувийн зүгээс гаргах боллоо гэж мэдээлсэн юм.

      К.Роналду Португалын Лисбон болон өөрийн төрөлх хот болох Фунчалд “Pestana Hotel Group”-тай хамтарч, “Pestana CR7 Hotels”-ийг эзэмшдэг билээ.

      Энэ мэдээг дэлхийн олон орны хэвлэл мэдээлэл түгээсэн юм. Гэвч өчигдөр AFP-гийн сэтгүүлчид зочид буудлын албаны хүмүүсээс утсаар авсан тодруулгаар цуурхал болохыг нь баталжээ.

      К.Роналду өдгөө Португалын Мадейра хотод хөл хорионд орж өөрийгөө тусгаарласан байгаа билээ. Учир нь түүний багийн хамтрагч Даниел Руганигаас корона вирус илэрсэн юм.

      Covid 19: Криштиану Роналду зочид буудлаа эмнэлгийн зориулалтаар ашиглуулна

      “Ювентус” клубын довтлогч Криштиану Роналду өөрийн нэр дээр байдаг зочид буудлаа эмнэлгийн зориулалтаар ашиглахаар болжээ.

      “Ювентус”-ын хамгаалагч Даниел Руганигаас вирус илэрсэн тул К.Роналду Мадейра дахь гэртээ хөл хорионд орсон билээ. Тэд хамгийн сүүлд “Интер Милан”-ыг 2:0-ээр хожиход хамтдаа хувцас солих өрөөнд байсан юм.

      Испанийн “Marca” сонины мэдээлснээр К.Роналду хувийн зочид буудлаа эмнэлгийн зориулалтаар ашиглахаар болсон аж. Ингээд зогсохгүй уг “хувийн эмнэлэгт” ажиллах эмч, сувилагч нарын цалинг К.Роналду төлөх учраас өвчтөнүүдэд үнэ төлбөргүй үйлчлэх гэнэ.

      “Forbes” сэтгүүлээс гаргасан мэдээллээр бол Португалд корона вирусын халдвар авсан 169 тохиолдол илэрсэн бөгөөд тэдгээрийн 1 нь бүрэн эдгэрсэн аж.

      Португалд “Pestana”-гийн үүсгэн байгуулсан зочид буудал алдартай байдаг. Таван одтой тансаг зэрэглэлийн сүлжээ зочид буудал К.Роналдугийн төрсөн нутаг Мадейрад салбараа нээсэн юм. 2016 оноос энэ салбарыг албан ёсоор “Praca CR7” болгон өөрчилсөн билээ.

      Энэ зочид буудалд К.Роналдугийн музей байрладаг юм.

      Криштиану Роналду 21.6 сая ам.долларын торгууль төлнө

      Италийн “Ювентус” клубийн довтлогч Криштиану Роналду Испанийн шүүхээс ял сонслоо.

      Испанийн шүүхээс К.Роналдуг татвараас зугтсан хэрэгт нь 23 сарын ял оноолоо. Гэхдээ Испани улсын хуулиар хоёр жилээс бага хугацаанд ял авсан бол мөнгөн торгууль оноож, тэнсэн харгалзах ял руу шилжүүлдэг билээ. Тиймээс К.Роналду эрх чөлөөтэй хэвээр байх аж.

      К.Роналдугийн татвараас зугтсан гэх хэрэг түүнийг “Реал Мадрид”-д 2010-14 оны хооронд тоглож байхад эхэлсэн гэж үздэг. Түүнийг дээрх хугацаанд олсон орлогодоо татвар төлөхөөс зайлсхийж, гадаадын татвар бага авдаг бүс нутгуудад мөнгөө байршуулсан, бага татвар төлөхийг оролдсон гэж буруутгасан юм.

      Испани хэлээр мэдээлэл түгээдэг EFE мэдээллийн агентлагийн мэдээлснээр бол К.Роналду гадаадын дөрвөн банкинд байршуулсан нийт 5.7 сая евро бүхий дөрвөн хэргийг хүлээн зөвшөөрсөн гэнэ.

      К.Роналдугийн шүүх хурал 15 минут үргэлжилж, нэрт хөлбөмбөгчин буруутай гэдгээ хүлээн зөвшөөрсөн бичигт гарын үсэг зураад гарчээ.

      “Реал Мадрид”-ын хагас хамгаалагч асан Шави Алонсо энэ долоо хоногт шүүхэд дуудагдсан юм

      Испанийн татварын асуудлаар шүүхийн хаалга татаагүй хөлбөмбөгчин хүн олон. Энэ долоо хоногт К.Роналдугаас гадна “Реал Мадрид”-д зүтгэж байсан Шави Алонсо мөн хуулийн өмнө буруутай эсэхээ хэлэлцсэн. Ш.Алонсог ойролцоогоор хоёр сая еврогийн татварын асуудалд буруутгасан юм. Тэднээс гадна Лионель Месси, Нэймар, Марсело нарын алдартнууд татвараас зугтсан асуудлаар шүүхийн хаалга татаж байв.

      Криштиану Роналдугаас днк шинжилгээ шаардав

      Италийн “Ювентус” клубийн довтлогч Криштиану Роналдуг 2009 онд америк бүсгүй Кэйтрин Майорга хэмээх бүсгүй өөрийг нь хүчирхийлсэн хэмээн буруутгасан. Энэ хэргийг Лас Вегас хотын цагдаагийнхан өнгөрсөн онд хохирогчийн хүсэлтээр сэргээж, шалгаж эхэлсэн юм.

      Энэ явдалд К.Роналдугийн хуулийн зөвлөх Петер Кристиансен гайхсангүй. Тэрбээр цагдаагийнхан хуулийн дагуу мөрдөх ажиллагаа явуулж байгааг онцлоод өөрийн үйчлүүлэгчээ буруугүй гэдгийг тодотгосон юм. Кэйтриний хэрэг явдал намжиж амжаагүй байтал К.Роналдутай холбогдсон өөр нэгэн бүсгүй гомдол мэдүүлжээ. Их Британийн модель Жасмин Леннард хэмээх бүсгүй өөрийн цахим хуудсаар дамжуулан Кэйтринийг дэмжиж байгаагаа илэрхийлээд К.Роналдуг “өрөвдөх сэтгэлгүй, араатан” гэж бичсэн нь олны анхаарлыг татав.

      Их Британийн модель Жасмин Леннард

      Жасмин Леннард удалгүй өөрийн твиттерээ устгасан ч К.Роналду энэ явдлыг зүгээр хараад өнгөрөхгүй бололтой. Тэрбээр худал доромжлол хэмээгээд энэ явдлыг хуулийн дагуу шийдвэрлэнэ гэж ярьжээ. К.Роналду, модель, реалити шоуны од Ж.Леннардтай 10 жилийн өмнө холбоотой байсан. Гэхдээ тэдний хооронд амрагийн харилцаа байсан эсэх нь одоогоор тодорхойгүй асуудал. Харин К.Роналдугийн хуульчид сүүлийн 18 сарын хугацаанд Ж.Леннард эсвэл өөр хэн нэгэнтэй холбогдоогүй. Энэ бол ор үндэслэлгүй худлаа мэдээлэл гэж мэдэгджээ. Ж.Леннард сүүлийн 18 сарын хугацаанд К.Роналдутай холбоотой байсан гэж хэвлэлд ярилцлага өгсөн удаатай.

      Хөлбөмбөг: Криштиану Роналду Мадрид хот руу очихоос татгалзав

      Өмнөд Америк тивийн Аваргуудын лиг хэмээн нэрлэж болох “Либертадорес Цом” тэмцээний шигшээд Аргентинийн заналт хоёр баг болох “Бока Хуниорс”, “Ривер Плэйт” баг шалгарч үлдсэн. “Бока”-гийн талбайд болсон эхний тоглолт 2:2 харьцаатай өндөрлөж, хариу тоглолт “Ривер Плэйт”-ийн талбайд энэ сарын 24-нд болох ёстой байлаа.

      Харамсалтай нь, хөгжөөн дэмжигчдийн халдлага хэрээс хэтэрсэн тул зохион байгуулагчид тоглолтыг цуцалсан юм. Ингээд зогсохгүй Аргентинаас өөр газар тэмцээнийг зохион байгуулах шийдвэр гаргасан. Ингээд энэ ням гаригт Испанийн Мадрид хотод “Сантияго Бернабеу” цэнгэлдэхэд явуулахаар болсон билээ.

      Зохион байгуулагчид Аргентинийн шигшээгийн тоглогч Лионель Мессиг үзэгчийн хувиар урьсан. Тэгвэл Криштиану Роналдуд мөн урилга өгсөн ч португал эр очихгүй гэдгээ илэрхийлэв.

      Испанийн хөлбөмбөгийн холбоо хоёр супер од тоглогчийг нэг дор цуг сууж, Өмнөд Америкийн АШТ-ийг үзэхийг хүссэн ч өнгөрсөн зун “Реал”-аас Италийн “Ювентус” руу очсон К.Роналду хуучин багийнхаа хотод очих бодолгүй байгаа аж.

      Тоглолт энэ ням гаригт болно

      Эх сурвалжийн мэдээлснээр К.Роналду хувийн шалтгааны улмаас татгалзсан хариу өгчээ. Тэрбээр хуучин багийнхаа удирдлагуудад сэтгэл дундуур байгаагаа нэг бус удаа хэвлэлээр ярьж байсан юм. “Ювентус” руу явсныхаа дараа өөрийг нь үл хүндэтгэсэн үйлдэл гаргасан гэж шүүмжлээд амжсан билээ. Тиймээс одоо Бернабеу цэнгэлдэхэд очих цаг нь биш гэж үзсэн бололтой.

      Испанийн “Реал Мадрид” болон Италийн “Ювентус” клуб Аваргуудын лигт хоёул хэсгээ тэргүүлсэн тул хасагдах шатанд учраа таарах боломжтой байгаа билээ.

      Сонирхуулахад, уг тоглолтын аюулгүй байдалтай холбоотойгоор “Бока”-гийн хулигаан хөгжөөн дэмжигчдийг Аргентин руу буцаасан байна. Түүнчлэн тоглолтын үеэр 2500 гаруй цагдаа хэв журам сахиулах аж.

       

      Криштиану Роналду энэ оныг дуустал шигшээдээ тоглохгүй

      Португалын шигшээ багийн лидер Криштиану Роналду энэ оныг дуустал шигшээдээ тоглохгүй гэдгээ мэдэгджээ. Энэ талаар орон нутгийн “Record” сонинд мэдээлснээр бол Португалын хөлбөмбөгийн холбооны Ерөнхийлөгч Фернандо Гомеш, багийн ерөнхий дасгалжуулагч Фернандо Сантош нартай ярилцаад Польш болон Шотландын багийн эсрэг хийх тоглолтод оролцохгүй, тэр ч бүү хэл энэ оныг дуустал шигшээдээ зүтгэхгүй, түр амрахаар төлөвлөсөн гэнэ.

      Өнгөрсөн бямба гаригт Германы “Der Spiegel” сэтгүүл 34 настай америк бүсгүй Кэйтрин Маяоргаг хүч хэрэглэсэн хэмээн мэдээлсэн юм. К.Роналду уг хэргийг нууц байлгахын тулд бүсгүйд 375 мянган ам.доллар өгсөн хэмээн тус сэтгүүлд бичсэн. Кэйтрин хэмээх бүсгүй 2009 онд Лас Вегас хотын зочид буудалд хүчиндүүлсэн хэмээн цагдаад гомдол гаргасан. Гэхдээ тухайн үед гэмт этгээдийн нэр олонд дэлгэгдээгүй. 2017 онд Германы сэтгүүл уг хүчингийн хэрэгт холбогдогч нь К.Роналду гэж зарласан удаатай.

      Тэгвэл 33 настай хөлбөмбөгчин эр энэ талаар өөрийн цахим хуудсаар дамжуулан үгүйсгэсэн билээ.

      К.Роналдугийн өнжих тоглолтууд

      Аргентинийн хөлбөмбөгчин Лионель Месси энэ оныг дуустал шигшээдээ зүтгэхгүй гэдгээ мэдэгдсэн. Хэвлэлийн бага хуралд мэдээлснээр бол шигшээгийн дасгалжуулагч Фернандо Сантош К.Роналдуг шигшээгээ орхих болоогүй хэмээн зарласан юм.

      К.Роналду өнгөрсөн сард мөн шигшээдээ тоглолгүй, амралт авсан. Түүний эзгүйд баг нь Италийг 1:0-ээр хожсон бол Хорваттай хийсэн нөхөрсөг тоглолтод 1:1-ээр эвийн гэрээ байгуулсан юм.